由於寫這篇游記的目的主要是登在自己空間，所以是用廣州話寫的，希望大家將就一下！

飛往心中既天堂

10：00 經過琴日系長江索道既碰門釘，我地決定再去坐長江索道。由於時間緊迫，我地決定打的(費用：10蚊)。

10：30 我地黎到長江索道。 重慶主城區有兩條獨具特色的過江索道，一條系嘉陵江索道：自渝中區滄白路，橫跨嘉陵江上空，與江北區金沙街相連；另一條系長江索道：起於渝中區長安寺，橫跨長江至南岸區上新街。 乘坐過江索道，除了可以欣賞兩江美景外，還可以從索道上俯瞰洪崖洞、湖廣會館、南濱路等著名景觀。因為去之前睇資料好多人都話長江索道比嘉陵江索道睇到更多野，所以決定坐長江索道。(單程2蚊，來回可逃票只要吾出閘就得)。所講既索道其實就好似纜車，但系就比纜車大，大概每次可以坐二三十人。橫過長江既時候望落下面，如果有畏高既朋友，可能會有D驚。突然霖起楊慎的《臨江仙滾滾長江東逝水》詞, 滾滾長江東逝水，浪花淘盡英雄哈哈，真系有詩意。大概五分鐘就過到對面，對面就系琴晚黎過既南濱路。由於時間關系，我地企佐一陣望完風景就坐翻往對面既索道。

11：00 我地步行翻去7day，系途中食佐碗令我地系九寨溝回味既牛肉面(其實碗面吾系真系甘好食，只系打後我地系九寨溝食既的確比較惡劣。費用8蚊一碗)。

11：30 我地馬不停蹄甘退佐房間，系樓下買佐幾個包作為系九寨溝溝內既干糧就打的走(買包果間鋪幾靓，一路上都見到有距既連鎖分店，而且價錢吾算貴，味道都吾錯，間店既名就吾記得啦！費用：10蚊)

11：45 又要系度贊揚下翀翀，因為我地未上車，翀翀就同個司機講價50蚊直飛機場，系距講價既同時，我拿拿聲上車，因為又驚距拒載。開車之後，個司機就開始講電話，一路用D帶有重慶話既普通話問對方幾錢車先載我地去機場好。其實如果我地時間夠既話，我地可能會翻機場大巴落車既地方坐翻機場大巴，但由於時間關系，我地已經霖住直飛機場。哈哈，結果個司機真系肯車我地去機場，而且只需55蚊。翀翀好野！！

12：15 我地就黎到重慶江北機場，由於時間關系，我地終於可以系機場行下啦！重慶機場真系幾靓、幾大，而且人吾系太多，感覺幾舒服，暖氣好夠！我地辦理佐登記手續就入候機廳。候機廳好多好靓既高級品牌店，而且比我地見到TCBY，系哩個時候翀翀忍吾住啦！要買雪糕食，我地買佐兩個硬球，一個系薄荷巧克力味，一個系芒果味(主要系其他想食既味道都無曬，所以要佐芒果味)(費用28蚊)。賣葛！第一啖食落個芒果味度，覺得有D奇怪，食多幾啖發現點解好似有D熟，食到一半既時候終於醒起，原來系大樹菠蘿味！！哈哈，好搞笑啊！芒果變佐大樹菠蘿。正系我地品嘗緊兩個TCBY既時候，翀翀突然講，好似聽到個廣播叫緊距個名，我地望下個表13：35，應該仲有時間噶！不過我地都決定准備上機，差吾多到登機口，我聽到廣播傳出我個名。該偎咯！比人通緝。去到登機口，個空姐話，淨翻你地兩個咋，其他乘客都上曬機，飛機可以提早走。我地有D吾好意思甘上到飛機，突然聽到好熟悉既廣州話，原來有一班南湖國旅既九寨溝團(應該系三日團)，可能系廣州飛重慶再轉機到九寨溝既。

14：05 離開重慶地面，開始飛向心目中既天堂啦！系飛機上面越靠近九寨就越見到好多高山，而高山高度已經穿過白雲，令我地系飛機上面都見到距既山峰，山峰連綿起伏，有D山頂已經積滿雪。飛機就好似系山與山之間飛過，轉彎、上升 其實我一上機不久就覺得有D高原反應，個心吾舒服，但因為太興奮，所以都吾理啦！繼續系飛機上面影相。

15：10 飛機上既廣播傳出九寨黃龍機場地面溫度1攝氏度。哇，更難想象1攝氏度系點樣。但不容我地去細想，我地好快就拿佐行李走出機場。落機既第一個感覺就系――冷同清，天氣冷，人好少。哩個時候已經有人拿住寫住我個名既牌系門口接機(之前同旅店約佐接機，200蚊一趟，但比較貴，如果有多一兩個人攤分會好好多)。

15：30 小車出發，我地正式踏足系九寨既土地。九寨溝！我黎啦！我心中既天堂。但一路上我都覺得好辛苦，可能系高原反應，個心好吾舒服，頭有D痛，眼皮好重，好想好想訓覺，好累、好累！途中到佐一個刻住岷江源既石碑，我地留影佐又馬上上車繼續上路。路上一開始系普通平路，不久就系有積雪既山路。山路彎道好多，一路上我昏昏沉沉，好在一路有翀翀既照顧，無咩大礙。系路上見到好多藏民既寨子，又見到好多關閉佐既賓館、酒店，一路上感覺上都好冷清。

16：45 我地終於黎到天堂青年旅捨(之前系網上穩既，由於好多酒店、賓館都關佐門，所以只好先系哩都住落。費用80蚊一晚+20蚊暖氣，其實果20蚊暖氣僅限於一部小型既鐵片發熱器而已，暖既范圍直徑只有10CM) 。因為我仲系好吾舒服，所以勞煩翀翀選擇房間。我放低野之後就狂著衫，身體開始暖D就舒服佐好多。

17：20 我地決定去周圍行下，天一入黑就起風，好凍好凍，D風簡直系刮面，正如翀翀話齋，好似系塊面上片啊！片啊！片皮鴨甘，哈哈！！！好凍！我霖哩個時候已經零下幾度了。路上好冷清，好靜，街上面得我地兩個。我地旅捨行出來就系一條河，我地估距叫九龍河(因為旁邊有間九龍賓館，而家先知，原來哩條河叫白水河)。河水好急，而且真系好白，水聲都幾大。我地沿住河一路頂住冷風，互相倚靠住向溝口行。大概15分鐘，我地就黎到九寨溝景區門口。天逐漸黑齊，更加凍，我地開始穩地方食飯同安排今晚既節目。

18：15 因為實在太凍，我地就打的(費用10蚊)去穩野食。出發之前做功課，聽聞溝口附近有大名鼎鼎的邊邊街，邊邊街其實就是賣手工藝品的一條街，旁邊再衍生些酒店、小吃店。但當司機車我地去到邊邊街既時候，我地只系見到關閉既一排鋪頭，好難想象旺季繁華既景象。因為今日系08年既最後一日，我想系甘空曠既地方如果可以燒煙花就好啦！問佐兩間鋪都無得賣，後來哩度既人話我知哩度禁止放煙花既。無辦法，我地只好穩個地方食飯。

18：50 我地穩佐間算多人既但好細既店食飯(因為開既鋪頭好少，食飯既人更少，無得選擇)。果間鋪既味道吾錯，但價錢都吾平，而且可能系高原既原因，D飯系未煮熟既，我地好快就食完。(費用50蚊)。

19：30 我地離開食飯既地方，開始穩下有無更好既住宿。途徑喜來登酒店，哩間酒店系五星級，網上訂好似都要500蚊一晚，我地入去行佐一圈，又聽到熟悉既廣州話，原來南湖國旅團系住哩度既。酒店既裝修吾系十分突出，就好似廣州既四星酒店甘，但系哩個地方裡面已經覺得幾舒服，因為有暖氣。之後穩佐一間賓館，但感覺一般，最後又翻到我地間旅捨(的士費用15蚊)。

20：15 我地翻到旅捨，抬頭發現新大陸。哇！好多星星啊！每天既星星忽明忽暗，可以用滿天星黎形容。系廣州從未有機會睇到，即使系花都都根本見吾到十分一甘多。霖起爸爸好中意既一首歌，歌名叫朋友，繁星流動,和你同路，從不相識開始心接近
默默以真摯待人，人生如夢朋友如霧 ，難得知心幾經風暴 共赴患難絕望裡緊握你手 ，朋友。我不禁感歎，夜空如此美麗，不禁感歎，世界如此大，即使系同一片天空，吾同地方睇都有甘大吾同。望住廣闊既夜空，繁星璀璨，突然有種如釋重負既感覺，一直系心頭耿耿於懷既事、人、情，頓時感覺到好似放開佐好多。估吾到系08年既最後一日可以見到甘靓既夜景、甘靓既星空，可以感受到甘寧靜既夜晚，可以令我全身心甘放松，即使無打後既旅程，我已經覺得不枉此行！我地一邊食缤紛樂，一邊欣賞住如此美麗既星空，一個鐘好快就過佐，但因為太凍。21：15 我地就翻去房間沖涼、休息，准備聽日擁抱天堂。

總路線：長江索道 - 重慶機場 - 飛機 - 白水河 - 溝口 - 邊邊溝 - 喜來登酒店 - 星空

兩人費用： 10+2*2+8*2+10+55+28+200+80+20+10+50+15＝498蚊